Search

AB USS KAY DAR SAY MEIN UTHA MALAL KOI NA THA
KAY MERI JHOLI MEIN BAQI SAWAL KOI NA THA

BAHAR AAI TOU APNAY SIWAYE ZANDAAN KAY
TAMMAM SHEHAR MEIN PERISHAAN HAAL KOI NA THA

KAHAN SAY LAA KAY BICHAIN TUMHARI RAH MEIN PHOOL
KAY DAAL DAAL TOU KIYA KHAAL KHAAL KOI NA THA

WOH DIN HI THEEK THAY JUB DIL MAIN RUTH BADALNAY KA
GUMAAN O KHUWAB YAQEEN O KHNAYAL KOI NA THA

YAQEEN KAR KAY TERI AANKH UTHNAY SAY PEHLAY
MERI NIGAH KAY SHISHAY MEIN JAAL KOI NA THA


HOWA JO YUN TOU YEH KHOOBI TERAY HUNAR KI THI
MERI WAFAOON MEIN MERA KAMAAL KOI NA THA,

Uss Nay Jab Bhi Mujhy Dil Say Pukara Mohsin,
Main Nay Tab Tab Ya Bataya K Tumhara Mohsin,

Log Sadiyon Ki Khataon Pay Bhi Khush Baste Hain,
Hum Ko Lamhon Ki Wafaon Nay Ujarra Mohsin,

Ho Gaya Jab Ya Yaqeen Ab Wo Nahin Aye Ga,
Aanson Aur Gham Nay Diya Dil Ko Sahara Mohsin,

Woh Tha Jab Pass To Jeenay Ko Bhi Dil Karta Tha,
Ab Tu Pal Bhar Bhi Nahi Hota Guzara Mohsin,

Uss Ko Pana Tou Muqadar Ki Lakeeron Mein Nahin,
Uss Ka Khona Bhi Karen Kaisay Gavara Mohsin…….,

Apnay Ghar Ki Khirki Say Aasmaan Ko Dekhon Ga
Jis Per Tera Naam Likha Hay Us Taaray Ko Dhundon Ga

Tum Bhi Har Shab Dia Jala Kar Palkon Ki Dehleez Pay Rakhna
Main Bhi Rooz Ak Khowab Tumhara Shaher Ki Janib Bhejon Ga

Hijar Kay Darya Main Tum Parhna Lehron K Tahreerain Bhi
Pani Ki Har Satah Pay Main Kuch Dil Ki Baatein Likhon Ga

Jis Tanha Say Pair Kay Nechay Hum Barish Main Bheegay Thay
Tum Bhi Us Ko Chho Kay Guzarna , Main Bhi Us Say Lipton Ga

Khowab Musafir Lamhon Kay Hain, Saath Kaha Tak Jaaye Gay
Tum Nay Bilkul Theek Kaha Hay, Main Bhi Ab Kuch Sochon Ga,

Meray Wahm-O-Guman Say Bhi Ziadah Roth Jata Hai

Ye Dil Apni Hadoon Main Reh Kar Itna Toot Jata Hai

Main Roun To Dar-O-Dewaar Mujh Pe Hansnay Lagtay Hain

Hanson To Meray Andar Janay Kya Kya Toot Jata Hai

Main Jis Lamhay Ki Khawhish Main Safar Karta Hon Sadiyon Ka

Kahin Paon Talay Aa Kar Wo Lamha Toot Jata Hai

Meray Khawabon Ki Basti Say Janazay Uthtay Jatay Hain

Meri Aankhain Jisay Chhu Lain Wo Sapna Toot Jata Hai….

Tumharay Na Honay Say Koch Bhi Nahin Badla
Ye Suraj Bhi Wahin Say Nikalta Hai
Aasman Pe Taray Bhi Chamaktay Hain
Aur Chand Ki Chandni Bhi Hoti Hai
Hawa Bhi Chalti Hai
Darya Bhi Behtay Hain
Phool Bhi Khiltay Hain
In Main Khushbo Bhi Hoti Hai
Lekin!!
Na Janay Q Tumharay Na Honay Say
Har Cheez Adhori Lagti Hai
Har Subha Sham Si Lagti Hai
Har Muskan Udas Si Lagti Hai
Har Mehfil Anjan Si Lagti Hai
Har Dharkan Be-Jan Si Lagti Hai
Sach Pooch To Sari Duniya
Veeran Si Lagti Hai….

Buhut Majboor Ho Kar Likh Raha Hoon
Kyun k Kal Sham Say Ro Raha Hoon

Kuch Aisi Baat Kar Di Us Na
Jaisay Khangar Hee Ghonp Diya Ho Us Na

Jo Us Na Ki Main nay Suni Dehan Sa
Wo Boli Kyun Lag Rahay Hain Aap Pareshan Say

Isi Doraan Line Cut Gayi Achanak
Chaa Gaya Hoo Jaisa Andhera Bhayanak

Phir Buhut Roka Samjaya Dil Ko Main nay
Na Kar Paya Bardasht Kaha Shab Khair Main nay

Wo Boli Apna Khayal Rakhiye Ga
Main Bhee Bola Aap Bhee Aisa Hee Kijiye Ga

Subha Hotay Hee Ajeeb See Halat Thi
Jaisay Khulay Road Par Zabardast Traffic Jam Thi

Fasila Kiya Ab Na Bolonga Us Say
Na Daikhoonga Na Kahoonga Kuch Us Say

Bus Yeh Hee Iltija Hay ab Rub Say
K Day Day Wo Jo Tairi Attaa Hay Kab Say

Teri us ada say bhi houn aashna
tujhay jis pay itna ghuroor hai

Mein jeeoun ga teray baghair bhi
mujhay zindagi ka shaoor hai

Na hawis mujhay maya naab ki
na talub saba-o-sahab ki

Teri chashm-e-naz ki khair ho
mujhay bay piye hi saroor hai

Jo samajh liya tujhay bay wafa
to phir is mein teri bhi kiya khataa

Yeh khalal meray dimagh ka
yeh meri nazar ka qasoor hai

Koee baat dil mein woh thaan kay
na ullajh paray teri shan say

Woh niyazmand jo kay sir ba khum
kaee din say teray huzoor hai

Mein nikal kay bhi teray daam say
na giron ga apnay maqaam say

Mein QATEEL-e-jor-o-sitam sahi,
mujhay tum say ishq zaroor hai..!!